Իսրայելի ռազմաօդային ուժերի կործանիչները այսօր վաղ առավոտյան հարվածներ են հասցրել երկրի հյուսիս-արևմուտքում գտնվող Սիրիայի կառավարական բազաներին, հայտնում է Al Mayadeen հեռուստակայանը:
Ինքնաթիռները հարձակվել են Լաթաքիա քաղաքի մոտակայքում գտնվող 132-րդ մոտոհրաձգային բրիգադի տեղակայման վայրի վրա։ Բացի այդ, հարվածներ են հասցվել Ջեբլայում գտնվող 107-րդ զրահատանկային բրիգադի բազային։ Այս ավիահարվածների հետևանքների և հնարավոր զոհերի մասին մանրամասներ դեռ չկան։
Նշենք, որ հուլիսի 16-ից Իսրայելը մի շարք հարվածներ է հացնում Սիրիայի ռազմավարական օբյեկտների վրա:
Ավելի վաղ Իսրայելի պաշտպանության նախարար Իսրայել Կացը զգուշացրել էր, որ Իսրայելը կշարունակի հարվածել Սիրիային, եթե երկրի իշխանությունները զորքերը չհեռացնեն Աս-Սուվեյդա քաղաքից և երկրի հարավում գտնվող շրջակա տարածքներից, որտեղ ապրում են դրուզները։
Արաբական Հանրապետության պաշտպանության նախարարությունը հուլիսի 16-ին հայտարարել է, որ դուրս է բերում զինված բոլոր ուժերը Աս-Սուվեյդայից՝ համաձայն ձեռք բերված հրադադարի համաձայնագրի, որը չորրորդն է տարվա սկզբից ի վեր։
Հետևեք մեզ տելեգրամում
