Մոսկվան ու Թեհրանը քննարկել են մեդիա համագործակցության ամրապնդումը և կեղծ լուրերի դեմ պայքարը

ՌԴ-ում Իրանի դեսպան Քազեմ Ջալալին հանդիպել է ՌԴ արտաքին գործերի նախարարության մամուլի խոսնակ Մարիա Զախարովայի հետ։

Հանդիպման ընթացքում կողմերը քննարկել են մեդիա համագործակցության զարգացման հնարավորությունները, մեդիայի ազդեցության եղանակները և երկու ժողովուրդների միմյանց ավելի լավ ճանաչելու ուղիները։ Կողմերը անդրադարձել են նաև այն լրատվական խարդավանքներին, որոնք վնասում են Իրանի և Ռուսաստանի հարաբերություններին, և քննարկել են կեղծ ու ապակողմնորոշիչ լուրերի դեմ պայքարի տարբերակները։

Հանդիպման սկզբում Իրանի դեսպանը շնորհակալություն է հայտնել Ռուսաստանի ԱԳՆ-ին՝ արևմտյան լրատվամիջոցների, հատկապես Axios-ի, կեղծ լուրերին արձագանքելու համար։