Հայաստանի Հանրապետության վարչապետ Նիկոլ Փաշինյանը հեռախոսազրույց է ունեցել Իրանի Իսլամական Հանրապետության նախագահ Հասան Ռոհանիի հետ։
ՀՀ վարչապետը շնորհավորել է Իրանի նախագահին և բնակչությանը՝ մուսուլմանական Ռամադան սուրբ ամսվա կապակցությամբ։
Կողմերը քննարկել են իրենց երկրներում կորոնավիրուսի համաճարակով պայմանավորված իրավիճակն ու դրա դեմ ձեռնարկվող միջոցառումները։ Երկու առաջնորդները փոխադարձաբար ցավակցել են միմյանց՝ համավարակի պատճառով գրանցված մահվան դեպքերի առթիվ։ Ընդգծվել է ողջ մարդկությանը պատուհասած այս դժբախտության դեմ պայքարում միջազգային հանրության, ինչպես նաև՝ երկկողմ համագործակցության կարևորությունը։
Զրույցի ընթացքում կարևորվել է նաև առևտրա–տնտեսական հարաբերությունների շարունակականության պահպանումը՝ չնայած համավարակի պատճառով մտցված սահմանափակումներին։ Փաշինյանն ու Ռոհանին պատրաստակամություն են հայտնել՝ առևտրատնտեսական համագործակցության մինչճգնաժամային ծավալների վերականգնման ուղղությամբ միջոցներ ձեռնարկելու՝ միաժամանակ պահպանելով ստեղծված իրավիճակից բխող սահմանափակումները։
Հետևեք մեզ տելեգրամում
