Մոսկվայում ևս երկու շաբաթով երկարաձգվել են Covid -19 համավարակի պատճառով մտցված բոլոր սահմանափակումները։ Այս մասին հայտարարել է Մոսկվայի քաղաքապետ Սերգեյ Սոբյանինը։
Այսպիսով, կարանտինային ռեժիմը կշարունակվի մինչև նախագահ Վլադիմիր Պուտինի կողմից սահմանված ոչ աշխատանքային շրջանի ավարտը՝ մինչև մայիսի 11-ը։
Քաղաքապետի խոսքով՝ սահմանապակումները կմեղմացվեն այն պահից, երբ երկրում վարակի տարածման մակարդակը կսկսի նվազել։ Բայց մինչ այդ պետք է խստորեն հետևել նախապես սահմանված բոլոր սահմանափակումներին։
Նախօրեին ինքնամեկուսացման ռեժիմի ժամկետի երկարաձգման մասին հայտարարել էր նաև Մոսկվայի նահանգապետ Անդրեյ Վորոբյովը։
Պաշտոնական տեղեկատվության համաձայն՝ Մոսկվայում կորոնավիրուսով վարակվել է 48․000 մարդ, որոնցից 479-ը մահացել են։ Սա Ռուսաստանում գրանցված ընդհանուր դեպքերի հիսուն տոկոսից ավելին է։
Հետևեք մեզ տելեգրամում
