Իրանի փոխնախագահ. Համոզված ենք, որ տարածաշրջանից դուրս միջամտությունները չեն նպաստի տարածաշրջանի անվտանգությանը

Իրանի առաջին փոխնախագահ Մոհամմադ Ռեզա Արեֆը, Ղրղզստանում Եվրասիական տնտեսական միության նիստում ունեցած ելույթի ժամանակ, ընդգծելով խաղաղության և կայունության ամրապնդման կարևորությունը և ողջունելով Հայաստանի և Ադրբեջանի միջև ձեռք բերված խաղաղության համաձայնագիրը, նշել է․

«Իրանը հավատարիմ է իր դիրքորոշմանը՝ ուղղված համերաշխությանը և երկրների տարածքային ամբողջականության պահպանմանը։ Մենք համոզված ենք, որ տարածաշրջանից դուրս միջամտությունները չեն նպաստի տարածաշրջանի կայուն և տևական անվտանգությանը»։