Եվրոպական երկրների՝ Կիևի դաշնակիցների արտաքին և անվտանգության քաղաքականության խորհրդատուները կաշխատեն Միացյալ Նահանգների հետ՝ Ուկրաինայի համար հնարավոր անվտանգության երաշխիքներ մշակելու համար: Այս մասին հաղորդում է DPA գործակալությունը՝ հղում անելով Գերմանիայի կառավարության աղբյուրներին:
Նրա խոսքով՝ դա պետք է տեղի ունենա «շատ շուտով»: Ակնկալվում է, որ խորհրդատուները կքննարկեն այնպիսի թեմաներ, ինչպիսիք են Ուկրաինայի զինումը, ՀՕՊ-ը և Ռուսաստանի հետ խաղաղության կնքումից հետո երկրում հնարավոր ռազմական ներկայությունը:
Ավելի վաղ Գերմանիայի կանցլեր Ֆրիդրիխ Մերցը հայտարարել էր, որ եվրոպացիները ողջունում են ԱՄՆ նախագահ Դոնալդ Թրամփի հայտարարությունը Ուկրաինային անվտանգության երաշխիքներ տրամադրելու մասին: Այս երաշխիքները, ըստ նրա, պահանջում են շատ երկար և ինտենսիվ քննարկում:
Վաշինգտոնում բանակցություններից հետո Վլադիմիր Զելենսկին հայտարարել է, որ Ուկրաինայի համար անվտանգության երաշխիքները, ենթադրաբար, կձևակերպվեն և թղթի վրա կդրվեն 7-10 օրվա ընթացքում: Նա մանրամասնել է, որ երաշխիքներն ունեն երեք հիմնական բաղադրիչ՝ ուկրաինական բանակի զինումը, դաշնակիցների պարտավորությունները և Ուկրաինայի պաշտպանական արդյունաբերության համալիրի զարգացումը:
Հետևեք մեզ տելեգրամում
