Վրաստանում Նիդեռլանդների դեսպանատունը հայտարարել է MATRA ծրագրին վրացի ներկայացուցիչների մասնակցության ժամանակավոր դադարեցման մասին։ Ինչպես նշված է դեսպանատան տարածած հաղորդագրության մեջ, պատճառը «երկրում իրավիճակի արագ վատթարացումն է և վրացական իշխանությունների գործողությունների վերաբերյալ մտահոգությունները»։
Ինչպես ընդգծել է դիվանագիտական առաքելությունը, «սա իսկապես դժվար որոշում էր», քանի որ Նիդեռլանդները տարիներ շարունակ եղել է Վրաստանի հուսալի գործընկերը օրենքի գերակայության ամրապնդման գործում:
MATRA-ն Նիդեռլանդների արտաքին գործերի նախարարության ծրագիր է, որը աջակցում է ժողովրդավարական բարեփոխումներին և օրենքի գերակայությանը Արևելյան Եվրոպայի երկրներում, այդ թվում՝ Վրաստանում: Այն խթանում է բաց և արդար հասարակությունների ձևավորմանը, զարգացնում է պետական հիմնական ինստիտուտները և աջակցում քաղաքացիական նախաձեռնություններին: Այս ծրագիրը վերապատրաստել է մոտ 200 վրացի պետական ծառայողի՝ նպաստելով երկրում մի շարք պետական ինստիտուտների ամրապնդմանը։
Հետևեք մեզ տելեգրամում
