Իսրայելի վարչապետ Բենյամին Նեթանյահուի գրասենյակը հայտարարություն է տարածել՝ նշելով, որ պատրաստ են «Հեզբոլլահ» շարժման զինաթափման հարցում աջակցել Լիբանանի իշխանություններին։
«Եթե Լիբանանի զինված ուժերը ձեռնարկեն անհրաժեշտ քայլեր «Հեզբոլլահ»-ի զինաթափման համար, Իսրայելը կձեռնարկի փոխադարձ միջոցներ, այդ թվում՝ Իսրայելի բանակի ներկայության փուլային կրճատում՝ ԱՄՆ-ի գլխավորած անվտանգության մեխանիզմի հետ համակարգված կերպով: Իսրայելը պատրաստ է աջակցել Լիբանանին՝ «Հեզբոլլահ»-ին զինաթափելու նրա ջանքերում և համատեղ աշխատել երկու ազգերի համար ավելի անվտանգ և կայուն ապագայի համար»,-ասված է Նեթանյահուի գրասենյակի տարածած հաղորդագրության մեջ։
Հայտարարությունը հնչել է Թուրքիայում ԱՄՆ և Մերձավոր Արևելքում ԱՄՆ նախագահ Դոնալդ Թրամփի հատուկ դեսպան Թոմ Բարաքի՝ Իսրայելում ԱՄՆ դեսպան Մայք Հաքաբիի ուղեկցությամբ Երուսաղեմում վարչապետ Բենիամին Նեթանյահուի և այլ բարձրաստիճան պաշտոնյաների հետ հանդիպումից մեկ օր անց, որի ընթացքում զրուցակիցները քննարկել են Սիրիայի և Լիբանանի հարցերը։
Հետևեք մեզ տելեգրամում
