Սիրիայի անվտանգության ուժերը Դամասկոսի հարավում գտնվող Մանեա լեռան մոտ հայտնաբերել են մոնիթորինգի և գաղտնալսման սարքեր։
Սիրիայի պետական SANA գործակալությունը հայտնում է, որ այդ սարքերը ոչնչացնելու փորձի ժամանակ վայրը դարձել է իսրայելական օդային հարձակման թիրախ, որի հետևանքով կան բազմաթիվ զոհեր, վիրավորներ, ինչպես նաև ավերվել են մի քանի մեքենաներ:
Օդային հարվածները և անօդաչու թռչող սարքերի հարձակումը թույլ չեն տվել տարածք մուտք գործել մինչև չորեքշաբթի երեկո: Միևնույն ժամանակ, Սիրիայի բանակային ստորաբաժանումները ոչնչացրել են որոշ համակարգեր՝ դրանք թիրախավորելով համապատասխան զենքերով, ինչպես նաև կարողացել են վերադարձնել զոհվածների մարմինները:
Ավելի ուշ իսրայելական ինքնաթիռները մի քանի ռմբակոծություններ են իրականացրել այդ վայրում, որին հաջորդել է դեսանտի վայրէջք, որոնց մանրամասները դեռ հայտնի չեն:
Հետևեք մեզ տելեգրամում
