Իսրայելի ռազմավարական պլանավորման նախարար Ռոն Դերմերը Սպիտակ տանը կայացած հանդիպման ժամանակ ԱՄՆ նախագահ Դոնալդ Թրամփին ներկայացրել է Գազա քաղաքը գրավելու ծրագրի մասինը։
Դերմերից և Թրամփից բացի, հանդիպմանը մասնակցել են Մեծ Բրիտանիայի նախկին վարչապետ Թոնի Բլեյրը, Թրամփի փեսան՝ Ջարեդ Քուշները, ԱՄՆ պետքարտուղար Մարկո Ռուբիոն, փոխնախագահ Ջեյմս Դևիդ Վենսը և այլ բարձրաստիճան պաշտոնյաներ։
Ըստ Axios կայքի աղբյուրների՝ Դերմերը հանդիպմանը ասել է, որ Իսրայելը չի ցանկանում երկար ժամանակով օկուպացնել Գազան, բայց քաղաքը կառավարելու համար «ՀԱՄԱՍ»-ին «ընդունելի այլընտրանքի» կարիք ունի։
«Նպատակն այն է, որ ԱՄՆ-ն գլխավորի Գազայում միջազգայնորեն ճանաչված կառույցի կառավարման որոնումները, որը թույլ կտա Իսրայելին նահանջել՝ առանց վերադառնալու հին անվտանգության իրականությանը»,-ասել է աղբյուրը։
Քուշները և Բլեյրը Թրամփին ներկայացրել են նաև այն գաղափարները, որոնք նախկինում քննարկել էին այլ բարձրաստիճան պաշտոնյաների հետ։ Նրանց ծրագիրը կենտրոնացած էր Գազայում այնպիսի ներդրումների համար պայմաններ ստեղծելու վրա, որ դա նպաստեր քաղաքի վերակառուցմանը։
Հետևեք մեզ տելեգրամում
