Հայաստանն անհամբերությամբ սպասում է Չինաստանի հետ համագործակցության առաջմղմանը: Այս մասին հայտարարել է ՀՀ արտաքին գործերի նախարար Արարատ Միրզոյանը:
«Ուրախ էին ուղեկցել վարչապետ Նիկոլ Փաշինյանին Չինաստան, որտեղ մենք ունեցանք կարևոր ձեռքբերում՝ Հայաստանի և Չինաստանի միջև ռազմավարական գործընկերության հաստատմամբ։
Մենք անհամբեր սպասում ենք մեր համագործակցության առաջխաղացմանը՝ ի շահ մեր ազգերի՝ կապի և ավելի լայն հնարավորությունների նոր գլխում»,-X-ում գրել է ՀՀ արտաքին գործերի նախարար Արարատ Միրզոյանը:
ՉԺՀ Թիենծին քաղաքում ՀՀ վարչապետ Նիկոլ Փաշինյանի և Չինաստանի Ժողովրդական Հանրապետության նախագահ Սի Ծինփինի հանդիպման արդյունքներով կողմերը հայտարարել են, որ Հայաստանի և Չինաստանի միջև հաստատվում է ռազմավարական գործընկերություն:
Հետևեք մեզ տելեգրամում
