ԱՄՆ նախագահ Դոնալդ Թրամփը կարծում է, որ Գազայի հատվածում շարունակվող ռազմական գործողությունները վնասակար են կվնասեն Իսրայելին և նրա շահերը, հատկապես հասարակական կարծիքի և այլ երկրների հետ հարաբերությունների առումով։ Նա այս մասին ասել է The Daily Caller-ին տված հարցազրույցում։
«Նրանք ստիպված են լինելու դադարեցնել այս պատերազմը, դա վնասում է Իսրայելին, դրանում կասկած չկա։ Նրանք կարող են հաղթել պատերազմում, բայց նրանք չեն հաղթում հասարակական կարծիքի աշխարհում, գիտեք, դա վնասում է նրանց»,-ասել է Թրամփը՝ հավելելով, որ Իսրայելի վերջին գործողությունները Մերձավոր Արևելքում թուլացրել են նաև երկրի լոբբիստների ազդեցությունը Կոնգրեսում։
Թրամփի խոսքով՝ 15-20 տարի առաջ Իսրայելն ուներ ամենահզոր լոբբիստական ռեսուրսները Կոնգրեսում, բայց հիմա նրանց ազդեցությունը թուլանում է։
«Նրանք լիակատար վերահսկողություն ունեին Կոնգրեսի նկատմամբ, իսկ հիմա չունեն, գիտեք, ես մի փոքր զարմացած եմ դրանից»,-նշել է Թրամփը՝ ավելացնելով, որ վերջին երկու տարիների ընթացքում Արևմուտքի հասարակությունը սկսել է մոռանալ 2023 թվականի հոկտեմբերի 7-ին «խաղաղ իսրայելցիների վրա «ՀԱՄԱՍ»-ի շարժման հարձակումների սարսափները, որոնց հաջորդեցին ռազմական գործողություններ Գազայի հատվածում»։
Միևնույն ժամանակ, ԱՄՆ նախագահն ընդգծել է, որ, իր կարծիքով, իրենից առաջ ոչ ոք այնքան շատ բան չի արել Իսրայելի համար, որքան ինքն ու իր վարչակազմը:
Հետևեք մեզ տելեգրամում
