Իսրայելի վարչապետ Բենյամին Նեթանյահուն արգելել է Ֆրանսիայի նախագահ Էմանուել Մակրոնի մուտքը երկիր, այն բանից հետո, երբ վերջինս հայտարարեց ՄԱԿ-ի Գլխավոր ասամբլեայում Պաղեստինը ճանաչելու մտադրության մասին։
Ավելի վաղ ԱՄՆ-ն որոշել էր ՄԱԿ-ի Գլխավոր ասամբլեայում պաղեստինցի ներկայացուցիչներին վիզա չտրամադրել։ Մակրոնը քննադատել էր այս քայլը՝ այն անվանելով անընդունելի։
Հետագայում Ֆրանսիայի նախագահը ցանկություն է հայտնել այցելել Իսրայել, սակայն Նեթանյահուն ասել էր, որ Մակրոնի ներկայությունն այնտեղ ողջունելի չի, մինչև նա վերանայի իր դիրքորոշումը:
Իր հերթին, Իսրայելի արտաքին գործերի նախարար Գիդեոն Սաարը հայտարարել է, որ «Ֆրանսիայի նախագահը շատ մտահոգված է Պաղեստինի ինքնավարության ներկայացուցիչներին տրամադրվող ամերիկյան վիզաների հարցով»։ Նա Մակրոնին մեղադրել է տարածաշրջանում կայունությունը խաթարելու մեջ։
Հետևեք մեզ տելեգրամում
