Իրանի Իսլամական Հանրապետության արտգործնախարար Աբբաս Արաղչին Եգիպտոսում հանդիպել է Ատոմային էներգիայի միջազգային գործակալության (ՄԱԳԱՏԷ) գլխավոր քարտուղար Ռաֆայել Գրոսսիի հետ: Կողմերը համաձայնության են հասել 12-օրյա պատերազմից հետո առաջացած նոր իրավիճակում համագործակցության ձևաչափի վերաբերյալ:
«ՄԱԳԱՏԷ-ի և Իրանի միջև Երաշխքիների համաձայնագիրը, որը նախատեսված է սովորական իրավիճակների համար, փաստացի չի համապատասխանում ԱՄՆ-ի և Իսրայելի անօրինական գործողությունների հետևանքով առաջացած այս աննախադեպ իրավիճակին։ Այդ իսկ պատճառով, Իրանը և ՄԱԳԱՏԷ-ն սկսել են ինտենսիվ բանակցություններ՝ ապահովելու համագործակցության շարունակումն ու Երաշխիքների համաձայնագրով Իրանի պարտավորությունների կատարումը: Այսօր ես և ՄԱԳԱՏԷ-ի գլխավոր քարտուղարը անցկացրինք բանակցությունների եզրափակիչ փուլը և կարողացանք հաջողությամբ ավարտել այդ գործընթացը: Համաձայնեցված գործնական քայլերը լիովին համահունչ են ԻԻՀ խորհրդարանի ընդունած օրենքին։ Դրանք անդրադառնում են Իրանի մտահոգություններին և ձևավորում համագործակցության շարունակման շրջանակ։ Վերահաստատում եմ՝ Իրանի դեմ ցանկացած թշնամական քայլի, այդ թվում՝ ՄԱԿ-ի Անվտանգության խորհրդի բանաձևերի վերականգման դեպքում Իրանը այս գործնական քայլերը կդիտի որպես ավարտված»,-հայտարարել է Արաղչին։
Հետևեք մեզ տելեգրամում
