Կատարի մայրաքաղաք Դոհայում «ՀԱՄԱՍ»-ի պաշտոնյաների դեմ Իսրայելի հարձակումը արագ դատապարտման է արժանացել ինչպես տարածաշրջանի, այնպես էլ նրա սահմաններից դուրս գտնվող երկրների կողմից։
Իսրայելի այս գործողությունը դատապարտել են ՄԱԿ-ը, Սաուդյան Արաբիան, Թուրքիան, Սիրիան, Լիբանանը, ԱՄԷ-ը, Քուվեյթը, Հորդանանը, Իրանը, Իրաքը, Պաղեստինը, Եմենի հութիները, Մալդիվները, Միացյալ Թագավորությունը, Ֆրանսիան, Իսպանիան, Իտալիան, Գերմանիան, ԵՄ-ը, Լիբիան, Պակիստանը, Մարոկկոն, Սուդանը, Եգիպտոսը, Ծոցի համագործակցության խորհուրդը, Ալժիրը, Օմանը, Մավրիտանիան, Ղազախստանը։
ԱՄՆ-ի հայտարարության մեջ նշված է․ «Կատարի միակողմանի ռմբակոծությունը, որն ինքնիշխան պետություն է ու Միացյալ Նահանգների մերձավոր դաշնակիցը, և որը շատ ջանասիրաբար աշխատում է ու քաջաբար ռիսկի է դիմում մեզ հետ՝ խաղաղություն հաստատելու համար, չի նպաստում Իսրայելի կամ Ամերիկայի նպատակներին»։
Հիշեցնենք, որ սեպտեմբերի 9-ին Դոհայում հարձակման է ենթարկվել պաղեստինյան խմբի բանակցային պատվիրակությունը։«ՀԱՄԱՍ» խմբավորման հայտարարության համաձայն՝ Դոհայում պայթյունը տեղի է ունեցել Գազայի հատվածում հրադադարի վերաբերյալ ԱՄՆ-ի վերջին առաջարկի շուրջ բանակցությունների ժամանակ։ Հարձակման արդյունքում սպանվել է շարժման 6 անդամ՝ ղեկավար Խալիլ ալ-Հայան, շարժման արտասահմանյան գրասենյակի ղեկավար Խալեդ Մաշալը, Հորդանան գետի Արևմտյան ափում «ՀԱՄԱՍ»-ի բջիջի հրամանատար Զահեր Ջաբարինը և այլն։
Հետևեք մեզ տելեգրամում
