Անվտանգության խորհրդի գրասենյակից հայտնում են, որ Վիեննայում ԱԽ քարտուղար Արմեն Գրիգորյանը հանդիպել է Ավստրիայի կանցլերի աշխատակազմի գլոբալ հարցերով հատուկ ներկայացուցիչ Պետեր Լաունսկի հետ:
Հանդիպմանը կողմերը մտքեր են փոխանակել Հարավային Կովկասում խաղաղության և կայունության ապահովման հետագա քայլերի շուրջ: Գրիգորյանն անդրադարձել է տարածաշրջանային հաղորդակցությունների ապաշրջափակման հարցերին և ՀՀ կառավարության կողմից մշակված «Խաղաղության խաչմերուկ» նախագծին՝ ընդգծելով տարածաշրջանային ծրագրերի ներառականության կարևորությունը:
Կողմերը քննարկել են երկկողմ համագործակցության հիմնական ուղղություններն ու իրականացվող ծրագրերի ընթացքը: Վերոնշյալի համատեքստում ընդգծվել է տնտեսական լայն հնարավորությունների ստեղծումն ապաշրջափակման արդյունքում և դրա շրջանակներում երկկողմ համագործակցության պատրաստակամությունը:
Հետևեք մեզ տելեգրամում
