Ֆրանսիայում «Block Everything» (Արգելափակիր ամեն ինչ) շարժման անդամները ցույցեր են կազմակերպել նախկին վարչապետի կողմից առաջարկված բյուջետային ծրագրի դեմ:
Ցույցերը տեղի են ունենում Ֆրանսիայի քաղաքական անկայունության ֆոնին: Մասնավորապես երկու օր առաջ Ֆրանսիայի խորհրդարանը անվստահություն էր հայտնել վարչապետ Ֆրանսուա Բայրոյին, իսկ Մակրոնը նշանակել է իր հինգերորդ վարչապետին՝ Սեբաստիան Լեկորնուին։ Ձախակողմյան «France Unbowed» կուսակցությունը պատրաստվում է անվստահության հայց ներկայացնել, իսկ ծայրահեղ աջ՝ «National Rally»-ն հայտարարել է, որ ներկայում պատրաստ է գործակցել Լեկորնուի հետ։
Ներքին գործերի նախարար Բրունո Ռետայոիի խոսքով, Փարիզում այս ցույցերի հետևանքով ձերբակալվել է 150 մարդ: Այլ քաղաքներում, այդ թվում՝ Մարսել, Մոնպելյե, Նանթ և Լիոն, նույնպես տեղի են ունեցել բողոքի ցույցեր և խաթարվել է երթևեկությունը: Երկրի տարբեր շրջաններում ներգրավվել է մոտ 80.000 անվտանգության աշխատակից։
Հետևեք մեզ տելեգրամում
