ԱՄՆ պետքարտուղար Մարկո Ռուբիոն լրագրողների հետ ճեպազրույցում անդրադարձել է ԱՄՆ նախագահ Դոնալդ Թրամփի՝ հակամարտությունները կարգավորելու ջանքերին: Նրա խոսքով, աշխարհում ոչ մի առաջնորդ այդքան շատ ջանք չի թափել կոֆլիկտները լուծելու հարցում, որքան Թրամփը:
«Կարծում եմ, որ նա ավելի շատ ժամանակ և էներգիա է ներդրել խաղաղության առաջարկների ու նախաձեռնությունների մեջ, քան աշխարհում երևէ մեկը: Նա ավելի մեծ հաջողություն է ունեցել, քան աշխարհում երևէ մեկը։ Նա մեծ գովասանքի չի արժանանում, բայց եկեք չմոռանանք, որ Կոնգոյի Դեմոկրատական Հանրապետությունում և Ռուանդայում պատերազմ էր ընթանում. նախագահը միջնորդեց։ Ադրբեջանում և Հայաստանում՝ նախագահն էր, որ դա իրականացրեց (խմբ. խաղաղության համաձայնագիրը)։ Թաիլանդում և Կամբոջայում՝ դա նախագահն էր, որ վերջ դրեց։ Հնդկաստանում և Պակիստանում։ Սա ընդամենը չորսն է, որ մտքովս անցավ վերջին մի քանի ամիսների ընթացքում։ Եվ դա արեց նախագահը՝ ոչ թե աշխարհի որևէ այլ առաջնորդ և ոչ էլ ՄԱԿ-ը»,-նշել է Ռուբիոն:
Հետևեք մեզ տելեգրամում
