Արցախի նախագահի հատուկ հանձնարարությունների գծով նախկին ներկայացուցիչ Բորիս Ավագյանին մահացած են գտել Սանկտ Պետերբուրգում Հայաստանի հյուպատոսության շենքում: Ավագյանին անգիտակից վիճակում հայտնաբերել են զուգարանում: Նա այնտեղ է գտնվել մոտ 50 րոպե: Դուռը ստիպված էին բացել ԱԻՆ աշխատակիցները, ովքեր հայտնաբերել էին նրա մարմինը՝ կյանքի նշաններ չտված։
Դեպքի վայր ժամանած շտապօգնությունն արձանագրել է նրա մահը:
Նշենք,որ Սանկտ Պետերբուրգի դատարանում սեպտեմբերի 23-ին պետք է որոշվեր նախկին պաշտոնյա Բորիս Ավագյանի խափանման միջոցը։ Սակայն դատական նիստից առաջ նա խնդրել էր դուրս գալ ծխելու և փախուստի էր դիմել,ապաստանել Սանկտ Պետերբուրգի ՀՀ հյուպատոսարանում:
Ավագյանը մեղադրվում է ավելի քան 4.2 միլիարդ ռուբլուց ավելի մաքսային տուրքերից խուսափելու մեջ:
Ռուսաստանում Ավագյանը Սանկտ Պետերբուրգի առևտրային նավահանգստի մաքսային բրոքերի գլխավոր տնօրենն է եղել: 2010 թվականից նա եղել է Դաշնային գույքի կառավարման գործակալության Լենինգրադի մարզի գրասենյակի պետի տեղակալ։ 2014 թվականից նա եղել է Սանկտ Պետերբուրգի հողօգտագործման և պաշտպանության գծով գլխավոր պետական տեսչի տեղակալ, իսկ ավելի ուշ՝ պետական հողային վերահսկողության վարչության պետի տեղակալ։
2022 թվականի փետրվարին հայտնի է դարձել, որ Հայաստանի ոստիկանությունը Ավագյանին հետախուզման մեջ է դրել փողերի լվացման համար։ 2021 թվականին նա աշխատել է որպես Արցախի Ներքին գործերի նախարարության Պետական արտակարգ իրավիճակների ծառայության (ՊԱԾ) փոխտնօրեն։
Հետևեք մեզ տելեգրամում
