Թրամփի վարչակազմը Իսրայելի վարչապետ Բենյամին Նեթանյահուին կոչ է անում ընդունել ամերիկացի առաջնորդի՝ Գազայի հատվածում պատերազմը դադարեցնելու ծրագիրը՝ զգուշացնելով, որ հակամարտության շարունակությունը միայն ավելի կուժեղացնի Իսրայելի մեկուսացումը։
Axios-ի ունեցած տվյալներով, այս դիրքորոշումը ուրվագծվել է Նյու Յորքում ԱՄՆ հատուկ բանագնաց Սթիվ Վիտկոֆի և Թրամփի փեսա Ջարեդ Քուշների՝ Նեթանյահուի և Իսրայելի ռազմավարական պլանավորման նախարար Ռոն Դերմերի հետ հանդիպման ժամանակ։
«Սպիտակ տունը Նեթանյահուին ասել է, որ պատերազմի շարունակությունը կհանգեցնի Իսրայելի էլ ավելի մեկուսացմանը, իսկ դրա ավարտը հակառակ արդյունքը կունենա»,-հաղորդում է Axios-ը՝ հղում անելով աղբյուրին։
Կայքը նաև շեշտում է, որ ԱՄՆ վարչակազմը Նեթանյահուին կոչ է անում ընդունել Թրամփի՝ պաղեստինյան անկլավում պատերազմը դադարեցնելու ծրագիրը։
Նեթանյահուն, ինչպես ակնկալվում է, սեպտեբերի 29-ին կհանդիպի Թրամփին՝ այս ծրագիրը և Գազայի հատվածում հետագա գործողությունները քննարկելու համար։ Իսկ ավելի վաղը՝ սեպտեմբերի 25-ին, Թրամփը Սպիտակ տանը լրագրողներին ասել էր, որ «թույլ չի տա» Նեթանյահուին անեքսիայի ենթարկել Արևմտյան ափը։
Հետևեք մեզ տելեգրամում
