Հրապարակվել է Տնտեսական համագործակցության զարգացման կազմակերպության (ՏՀԶԿ) հակակոռուպցիոն ցանցի 24-րդ լիագումար նիստին հաստատված ՏՀԶԿ հակակոռուպցիոն ցանցի Ստամբուլյան գործողությունների ծրագրի՝ Հայաստանի գնահատման 5-րդ փուլի շրջանակում առաջընթացի զեկույցը: Այնտեղ ներկայացված են ՀՀ կողմից հանձնառությունների կատարման ուղղությամբ իրականացված աշխատանքները:
2022թ. ի վեր Հայաստանը պահպանել է դրական հետագիծ կոռուպցիայի դեմ պայքարի բարեփոխումների ոլորտում, որը բնութագրվում է նշանակալի օրենսդրական առաջընթացով և միջազգային չափանիշներին ու լավագույն փորձին համապատասխանեցմամբ։
Զեկույցի կատարողական 9 դաշտից 6-ում ՀՀ-ն արձանագրել է առաջընթաց։
ՏՀԶԿ զեկույցի համաձայն՝ Հայաստանն առաջընթաց է արձանագրել հետևյալ ոլորտներում. հակակոռուպցիոն քաղաքականության, շահերի բախման կանխարգելման և գույքի ու եկամուտների հայտարարագրման, ազդարարների պաշտպանության, գործարար բարեվարքության, պետական գնումների ոլորտում բարեվարքության ապահովման և կոռուպցիոն հանցագործությունների քննության:
Հետևեք մեզ տելեգրամում
