Արևմուտքը Վրաստանից պահանջում էր պատերազմի մեջ մտնի Ռուսաստանի հետ, ինչն աղետով կավարտվեր այս փոքրիկ երկրի համար, ինչպես դա եղավ 2008 թվականին։ Այս մասին ամերիկյան Responsible Statecraft հրատարակությանը տված հարցազրույցում ասել է Վրաստանի նախագահ Միխեիլ Ղավելաշվիլին։
Իշխող «Վրացական երազանք» կուսակցությունը բազմիցս հայտարարել էր, որ արևմտյան և ուկրաինացի որոշ քաղաքական գործիչներ Վրաստանի կառավարությանը հորդորում էին ռազմական գործողություններ սկսել Աբխազիայում և Ցխինվալում՝ այդպիսով բացելով «երկրորդ ճակատ» և միանալով Ռուսաստանի հետ պատերազմին։ Վարչապետ Կոբախիձեի խոսքով՝ այս կոչը մերժելը խզում առաջացրեց Արևմուտքի հետ հարաբերություններում։
«Արևմուտքը պահանջեց, որ մենք պատերազմ սկսենք Ռուսաստանի հետ, ինչը կհակասեր մեր կենսական ազգային շահերին։ Սա կավարտվեր նույն հետևանքներով, ինչ 2008 թվականին, երբ այն ժամանակվա կառավարության անխոհեմ գործողությունները, որոնք հիմնված էին ՆԱՏՕ-ի նկատմամբ վստահության վրա, Վրաստանը հասցրին աղետի»,-ասել է Ղավելաշվիլին։
Նախագահի խոսքով՝ Վրաստանն այժմ ունի կառավարություն, որը գործում է ժողովրդի և երկրի շահերից ելնելով։
«Մենք եզակի ժողովուրդ ենք, և դարեր շարունակ ստիպված ենք եղել պայքարել մեր լեզուն, մշակույթը, արժեքները և ինքնությունը պահպանելու համար»,-ասել է Ղավելաշվիլին։
Հետևեք մեզ տելեգրամում
