Հոկտեմբերի 6-ին «Սումուդ» նավատորմի 171 ակտիվիստներ, այդ թվում՝ շվեդ իրավապաշտպան Գրետա Թունբերգը, Իսրայելից արտաքսվել են Հունաստան և Սլովակիա։ Այս մասին հայտնել է Իսրայելի արտաքին գործերի նախարարությունը:
««Սումուդ» նավատորմի 171 սադրիչ, այդ թվում՝ Գրետա Թունբերգը, այսօր Իսրայելից արտաքսվել են Հունաստան և Սլովակիա: Արտաքսվածները Հունաստանի, Իտալիայի, Ֆրանսիայի, Իռլանդիայի, Շվեդիայի, Լեհաստանի, Գերմանիայի, Բուլղարիայի, Լիտվայի, Ավստրիայի, Լյուքսեմբուրգի, Ֆինլանդիայի, Դանիայի, Սլովակիայի, Շվեյցարիայի, Նորվեգիայի, Միացյալ Թագավորության, Սերբիայի և ԱՄՆ-ի քաղաքացիներ են», – ասվում է հայտարարության մեջ։
«Սումուդ» նավատորմը, որը բաղկացած էր տարբեր երկրների պատկանող ավելի քան 40 նավերից, սեպտեմբերի կեսերին Թունիսից մեկնեց դեպի Գազա։ Առաքելության մասնակիցները պնդում էին, որ դրա նպատակն էր ճեղքել Գազայի շրջափակումը և մարդասիրական օգնություն հասցնել անկլավի բնակչությանը:
Հետևեք մեզ տելեգրամում
