Սիրիայի արտաքին գործերի նախարար Ասադ Հասան Ալ-Շայբանին Անկարակում Թուրքիայի արտաքին գործերի նախարար Հաքան Ֆիդանի հետ համատեղ մամուլի ասուլիսի ժամանակ հայտարարել է, որ նախկին ռեժիմի (Բաշար ալ-Ասադի իշխանություն, խմբ․) տապալումից հետո՝ ընդամենը մի քանի ամսվա ընթացքում, իրենց հաջողվել է կառուցել քաղաքացիական պետություն և արդարության ու բազմակարծության վրա հիմնված ազգ։
Սիրիացի նախարարը Թուրքիա կատարած իր այցի նպատակն անվանել է «ռազմավարական գործընկերության ամրապնդման ուղղությամբ քայլ՝ հիմնված թափանցիկության և երկխոսության վրա»։
Թուրքիայի արտաքին գործերի նախարար Հաքան Ֆիդանը կրկին իր աջակցությունն է հայտնել Սիրիայի ինքնիշխանությանն ու կայունությանը, վերջին իսրայելական ռազմական գործողությունները որակելով որպես «վտանգավոր սրացում»։
«Նման միջամտությունները կնպաստեն անկայունության աճին և կազդեն մեր ազգային անվտանգության վրա»,-ասել է Ֆիդանը՝ միաժամանակ ողջունելով Սիրիայի աճող միջազգային ներգրավվածությունը։
Երկու նախարարները նաև ընդգծել են ահաբեկչության դեմ պայքարի իրենց համատեղ հանձնառությունը, իսկ Ֆիդանը հաստատել Սիրիայի՝ ««Իսլամական պետության» դեմ միջազգային հանրության հետ համագործակցելով պայքարելու» ամուր կամքը։
Հետևեք մեզ տելեգրամում
