ԵԱՀԿ նախագահն ինքն է չեղարկել Վրաստանի վարչապետի հետ հանդիպումը

Ֆինլանդական «Helsingin Sanomat» թերթը հոկտեմբերի 15-ին հաղորդել է, որ Ֆինլանդիայի արտաքին գործերի նախարար Էլինա Վալտոնենը, որը Վրաստան էր այցելել որպես ԵԱՀԿ նախագահ, առաջինն է չեղարկել է Վրաստանի վարչապետ Իրակլի Կոբախիձեի հետ հանդիպումը։ Վալտոնենը պարբերականին ասել է, որ որոշումը կայացվել է «Ֆինլանդիայի նախաձեռնությամբ՝ ժամանակացույցի փոփոխության պատճառով, և վրացիները դրա մասին տեղեկացվել են երեկ երեկոյան»։

«Ես հատուկ գնացի՝ դիտելու Վրաստանում շաբաթներ ու ամիսներ շարունակ ընթացող բողոքի ցույցերը։ Ես ուզում էի արտահայտել իմ աջակցությունը խոսքի ազատությանը։ Ինչպես արձագանքել՝ Վրաստանի կառավարության որոշելիքն է։ Ցավոք, ես ինքս ստիպված եղա արձագանքել՝ չեղարկելով վարչապետի հետ նախատեսված հանդիպումը, որպեսզի կարողանամ մեկնել Ադրբեջան»,- ասել է ԵԱՀԿ գործող նախագահ, Ֆինլանդիայի արտգործնախարար Էլինա Վալտոնենը։

Ավելի վաղ Վրաստանի կառավարությունից հայտարարել էին, որ Կոբախիձեն չեղարկել է հանդիպումը Վալտոնենի՝ հակաիշխանական ցույցին մասնակցելու պատճառով։