Իրանում երկրաշարժից վնասվել է երկրի արևմտյան շրջանում գտնվող Ֆալաք օլ-Աֆլաք ամրոցը, որը կառուցվել է ավելի քան հազար հինգ հարյուր տարի առաջ։
Այս մասին տեղեկացնում է տեղական «Mehr» լրատվական գործակալությունը։ Գործակալության հրապարակված մի տեսագրությունում երևում է, որ երկրաշարժի հետևանքով ամրոցի աղյուսե պատերին և կամարներին խորը ճաքեր են գոյացել։
5․1 մագնիտուդ հզորությամբ ստորգետնյա ցնցումները տեղի են ունեցել Թեհրան և Մազանդարան նահանգների սահմանագծին։ Մայիսի 7-8-ի գիշերը գրանցված երկրաշարժի էպիկենտրոնը գտնվել է երկրի 7 կմ խորության վրա։ Ցնցումների հետևանքով զոհվել է 1 մարդ, տուժել՝ 6-ը։
«Ֆալաք օլ Աֆլաք» (բառացի՝ «Դրախտի երկինք») ամրոցը գտնվում է Խորեմաբադ քաղաքում, այն կառուցվել է Սասանյանների իշխանության օրոք (224-651թթ․)։ 2010թ․ տեղական իշխանությունները ավարտել էին պատմական ամրոցի վերակառուցումը։
Հետևեք մեզ տելեգրամում
