Իսրայելը Գազայի հատվածում 2023 թվականի հոկտեմբերին հակամարտության սկսվելուց ի վեր Արևմտյան ափին կառուցել է մոտ 1000 արգելապատնեշ՝ սահմանափակելով տեղի բնակիչների տեղաշարժի ազատությունը և մեծապես բարդացնելով առօրյա կյանքը: Այս մասին հայտնում է Associated Press (AP)-ը՝ հղում անելով պաղեստինյան իշխանություններին։
Գործակալությունը որպես օրինակ է բերում Արևմտյան ափի բազմաթիվ գյուղերի և քաղաքների մուտքերի մոտ տեղադրված մետաղական դարպասները: Այս արգելապատնեշները խոչընդոտում են մարդկանց մուտքերն ու ելքերը, դրանք երբեմն հսկում են իսրայելական զորքերը: Պաղեստինցիները գործակալությանը հայտնել են, որ անցակետի աշխատանքային ժամերը անկանխատեսելի են. դարպասները կարող են փակ լինել և չաշխատել մի քանի օր:
ՄԱԿ-ից նշել են, որ արգելապատնեշները սահմանափակում են պաղեստինցիների տեղաշարժի ազատությունը, առողջապահության ու կրթության հասանելիությունը:
Իսրայելական բանակը, իր հերթին, պնդում է, որ արգելապատնեշները նախատեսված չեն Արևմտյան ափի բնակիչների տեղաշարժը սահմանափակելու, այլ «կարգավորման և մոնիթորինգի» համար:
Հետևեք մեզ տելեգրամում
