ԱՄՆ-ն «ՀԱՄԱՍ»-ին առաջարկում է Իսրայելի կողմից վերահսկվող Գազայից անվտանգ դուրս գալու ուղի

Սպիտակ տան պաշտոնյաները պաղեստինյան «ՀԱՄԱՍ» շարժման ղեկավարությանն առաջարկել են ապահովել իրենց զինված ուժերի անվտանգ անցումը Գազայի հատվածի՝ Իսրայելի կողմից վերահսկվող տարածքներից դեպի այլ տարածքներ, որոնց վերահսկում են իրենք: Այս մասին հաղորդում է Axios-ը՝ հղում անելով աղբյուրներին։

Նրանց խոսքով՝ ամերիկյան առաջարկը նախատեսված է հրադադարը չխախտելու, «ՀԱՄԱՍ»-ի կողմնակիցների ու իսրայելական բանակի միջև զինված բախումների վերսկսման ռիսկը կանխելու համար։ Առաջարկը ամերիկյան կողմը փոխանցել է Եգիպտոսի և Կատարի միջնորդների միջոցով։

Իսրայելի պաշտպանության բանակի աղբյուրները պորտալին հայտնել են, որ «ՀԱՄԱՍ»-ի մի քանի տասնյակ զինված կողմնակիցներ մնում են իսրայելական ուժերի կողմից վերահսկվող տարածքների ստորգետնյա թունելներում։