Խաղաղության պահպանման հստակ երաշխիքն, իմ խորին համոզմամբ, դա այն է, որ ինչի շուրջ հնարավորություն է ստեղծվել ձեռք բերել պայմանավորվածություն, այն, ինչը համաձայնեցվել է և դեռ կհամաձայնեցվի մնացած ուղղություններով, ձեռնտու և շահավետ է և Հայաստանին և Ադրբեջանին, և տարածաշրջանի մյուս երկրներին։ Այդ մասին հայտնել է Արարատ Միրզոյանը Օրբելի վերլուծական կենտրոնի«Կառուցելով խաղաղություն և բազմակողմանի համագործակցություն» խորոգրով համաժողովի ընթացքում։
«Այս փոխշահավետությունն է, որը կարծում եմ՝ հարատևություն, երկարատևություն է հաղորդելու Խաղաղության համաձայնագրին»,- նշել է նա:
«Ոչ մի շահագրգռություն չի ունենալու Հայաստանը խախտել այդ պայմանավորվածությունները, ոչ մի շահագրգռվածություն չի ունենալու Ադրբեջանը խախտել այդ պայմանավորվածությունները, ոչ մի շահագրգռվածություն չի ունենալու Թուրքիան՝ խաթարելու գործընթացը՝ Հայաստանի և Ադրբեջանի միջև»,- ավելացրել է Միրզոյանը:
Հետևեք մեզ տելեգրամում
