Վրաստանում Գերմանիայի դեսպան Պետեր Ֆիշերը, ում նախկինում հետ էին կանչել խորհրդակցությունների համար, վերադարձել է Թբիլիսի՝ աշխատանքի։ Այս մասին X-ում հայտնում է Գերմանիայի ԱԳՆ-ն։
«Թբիլիսիում Գերմանիայի դեսպանը Բեռլինում խորհրդակցություններից հետո այսօր վերադարձել է Վրաստան, որտեղ մեր լիակատար աջակցությամբ կշարունակի իր ակտիվ աշխատանքը»,-նշել են ԱԳՆ-ում։
Ֆիշերը խորհրդակցությունների համար հետ է կանչվել հոկտեմբերի 19-ին՝ վրացական կողմի դիրքորոշման պատճառով։ Ինչպես նշել էր Գերմանիայի ԱԳՆ-ն այն ժամանակ տարածած հայտարարության մեջ, Վրաստանի ղեկավարությունը «արշավ է իրականացնում ԵՄ-ի, Գերմանիայի և անձամբ Գերմանիայի դեսպանի դեմ», և այդ պատճառով նրան կանչելու մասին որոշում է կայացվել։
Դիվանագետը բազմիցս բացեիբաց քննադատել է վրացական իշխանություններին, ինչպես նաև աջակցություն է հայտնել Թբիլիսիի ակտիվիստներին և ցուցարարներին։
Հետևեք մեզ տելեգրամում
