Իրանական «IRIB» հեռուստառադիոընկերությունը տեսանյութ է հրապարակել, որում պատկերվում են Իրանի ռազմածովային ուժերի նավի՝ հրթիռով խոցման հետևանքները:
Տեսանյութում երևում է վնասված տախտակամածով նավը, որից սև ծուխ է բարձրանում:
Նշենք, որ իրանական լրատվամիջոցների տվյալներով՝ նավը կատարվածի հետևանքով չի խորտակվել և քարշակման միջոցով հասցվել է ափամերձ տարածք:
Միջադեպը տեղի է ունեցել մայիսի 10-ին Օմանի ծոցում անցկացվող զորավարժությունների ժամանակ, երբ Իրանի ռազմածովային ուժերին պատկանող «Jamaran» ականակիրը սխալմամբ հականավային հրթիռ է արձակել՝ խոցելով իրեն օգնող «Konarak» նավը:
Նավաստիներից 19-ը մահացել են: Հիշեցնենք, որ ավելի վաղ նավաստիների մահվան կապակցությամբ ցավակցություն է հայտնել Իրանի արտգործնախարար Մոհամմադ Ջավադ Զարիֆը:
Հետևեք մեզ տելեգրամում
