Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
«Կայացել է մտքերի փոխանակում Ուկրաինայի շուրջ ստեղծված իրավիճակի վերաբերյալ, այդ թվում՝ խաղաղ կարգավորման ամերիկյան առաջարկների համատեքստում։ Վլադիմիր Պուտինը նշել է, որ այդ առաջարկները՝ ռուսական կողմից վերանայված տարբերակով, համապատասխանում են Ալյասկայում ռուս-ամերիկյան գագաթնաժողովում տեղի ունեցած քննարկումներին և, սկզբունքորեն, կարող են հիմք հանդիսանալ վերջնական խաղաղ կարգավորման համար»,-ասվում է Կրեմլի տարածած հայտարարության մեջ։
Ռեջեփ Թայիփ Էրդողանն իր հերթին հայտնել է բանակցային գործընթացին ամեն հնարավոր աջակցություն ցուցաբերելու իր մտադրությունը, ինչպես նաև շարունակել Ստամբուլի հարթակը տրամադրել այս նպատակների համար։
Զրուցակիցները համաձայնվել են տարբեր մակարդակներում ակտիվացնել ուկրաինական հարցի շուրջ ռուս-թուրքական շփումները:
Թուրքիայի նախագահը նաև կիսվել է Յոհաննեսբուրգում կայացած G20 գագաթնաժողովին իր այցի և մի շարք մասնակից երկրների ղեկավարների հետ հանդիպումների տպավորություններով։
Հետևեք մեզ տելեգրամում
