Վրաստանի նախկին նախագահ Սալոմե Զուրաբիշվիլին FRANCE 24 English-ին տված հարցազրույցում հայտարարել է, որ Եվրամիությունը Վրաստանում տեղի ունեցողներին չարձագանքելու պատճառով ավելի արագ է կորցնում Վրաստանը։
«Գրեթե չորս տարի է, ինչ Եվրամիությունը գործնականում որևէ պատասխան միջոց չի ձեռնարկել, որի ընթացքում մենք անընդհատ հարձակումներ ենք տեսել եվրոպացի և ամերիկացի դեսպանների վրա: Սրանք ուղղակի հարձակումներ են, և որևէ արձագանք չկա այս հռետորաբանությանը․․․Մարդիկ ուզում են տեսնել, որ Արևմուտքը հասկանում է իրենց, որ նրանք աջակցություն ունեն: Այսօր Վրաստանում տիրում է ահաբեկչություն, բայց մարդիկ դեռևս ծածանում են ԵՄ դրոշները և ծածանելու են մինչև վերջ: Ես լավատես եմ և հավատում եմ, որ Վրաստանում ավելի լավ եվրոպական օրեր կտեսնենք»,- ասել է Զուրաբիշվիլին։
Անդրադառնալով հաջորդ ընտրություններին՝ Զուրաբիշվիլին հայտարարել է, որ այլևս միամիտ չեն լինելու և չեն պայքարելու այնպես, ինչպես նախկինում։
«Իհարկե, մեր գործընկերներից ավելի մեծ աջակցություն կպահանջենք քարոզչության և ընտրակեղծիքների հնարավորություն տվող տարբեր գործիքների դեմ պայքարում»,-ասել է Զուրաբիշվիլին։
Հետևեք մեզ տելեգրամում
