ՀՀ էկոնոմիկայի նախարար Գևորգ Պապոյանը նոյեմբերի 28-ին Թուրքիայի Հանրապետության Ստամբուլ քաղաքում մասնակցել է “Zero Waste Forum” («Զրոյական թափոններ») համաշխարհային համաժողովի բացման արարողությանը։
Համաժողովը միավորել էր գյուղատնտեսության ոլորտը համակարգող շուրջ երկու տասնյակ նախարարների, ինչպես նաև այլ բարձրաստիճան պաշտոնյաների և քաղաքականություն մշակողների՝ նպատակ ունենալով խթանել «զրոյական թափոնների» գաղափարը համաշխարհային մակարդակով։
Միջոցառման ընթացքում Գևորգ Պապոյանը զրույցներ է ունեցել Թուրքիայի, Իրանի, Ադրբեջանի, Մոլդովայի և Իրաքի գյուղատնտեսության նախարարների հետ։
Նախարար Գևորգ Պապոյանը համաժողովի շրջանակում հանդես է եկել ելույթով։
Իր խոսքում նախարարը նշել է, որ ջրային պաշարների խնայողությունն ու սննդի կորուստների նվազեցումը Հայաստանի տնտեսության առաջնահերթությունների թվում են, և պետությունը միջոցներ է ձեռնարկում առկա մարտահրավերների հաղթահարման ուղղությամբ։
Նախարարն անդրադարձել է նաև վերջերս Հայաստանում հաստատված՝ «Կանաչ, կայուն և շրջանաձև տնտեսության զարգացման շրջանակային գործողությունների ծրագրին»։
Հետևեք մեզ տելեգրամում
