Վրաստանի նախկին նախագահ Միխեիլ Սաակաշվիլին Facebook սոցիալական ցանցի իր էջում գրել է, թե Վրաստանի իշխանությունները լարել են հարաբերությունները ոչ միայն Արևմուտքի, այլև անմիջական հարևանների՝ Հայաստանի և Ադրբեջանի հետ։
«Կոբախիձեն Հայաստանից պահանջել է Երևանից կտրել վրացական ՀԿ-ների գործունեությունը (քանի որ հիմա Երևանը լցված է վրացիներով. նախկինում երբ արևմտյան ֆինանսավորմամբ համաժողովներն անցկացվում էին Վրաստանում, այժմ բոլորը տեղափոխվել են Երևան), ինչպես նաև փակել այդ կազմակերպությունների հաշվեհամարները։ Փաշինյանի կառավարությունը պատասխանում է, որ Հայաստանում «օտարերկրյա գործակալների մասին» օրենք գոյություն չունի և նման բան նախատեսված էլ չէ, ուստի որևէ հիմք չկա վրացիների ազատությունների սահմանափակման համար։ Ի պատասխան՝ Կոբախիձեն Երևանին սպառնում է բեռների տեղաշարժի սահմանափակումներով։ Մինչդեռ Թբիլիսին արդեն իսկ խնդիրներ է ստեղծել բեռների տեղաշարժման առումով Ադրբեջանի համար»,-գրել է Սաակաշվիլին։
Հետևեք մեզ տելեգրամում
