ՀՀ կառավարությունը այսօրվա նիստում չզեկուցվող հարցերի շրջանակում ընդունեց Հայաստանի Հանրապետության և Արաբական Միացյալ Էմիրությունների վարորդական վկայականների փոխադարձ ճանաչման և փոխանակման վերաբերյալ որոշումը։
Ըստ ընդունված որոշման՝ կողմերից յուրաքանչյուրն ընդունում է մյուս երկրի այն քաղաքացիների վավեր վարորդական վկայականները, ովքեր ժամանում են ոչ թե մշտական բնակության, այլ կարճաժամկետ այցելության նպատակով, պայմանով, որ վկայականի տնօրինողը համապատասխանում է հուշագրով սահմանված նվազագույն տարիքային պահանջներին։
Մշտական բնակության նպատակով ժամանող քաղաքացիների դեպքում կողմերը փոխադարձաբար ապահովում են վարորդական վկայականների փոխանակում՝ ազատելով դիմորդներին համապատասխան տեսական և գործնական քննություններից։
Հետևեք մեզ տելեգրամում
