Վրաստանի պետական համալսարաններ ընդունվածների համար ուսումն անվճար կլինի նաև մագիստրատուրայում։ Համապատասխան փոփոխությունները նախատեսված են «Բարձրագույն կրթության մասին» օրենքում փոփոխությունների փաթեթով, որը վրացի պատգամավորներին է ներկայացրել Վրաստանի կրթության, գիտության և երիտասարդության փոխնախարար Զվիադ Գաբիսոնիան։
«Մենք բարձրագույն կրթության ոլորտում ուսումը դարձնում ենք լիովին անվճար։ Սա ենթադրում է պետական համալսարաններում ամբողջական ֆինանսավորման մոդել։ Գոյություն ունեցող դրամաշնորհային մոդելի փոխարեն կլինի պետության կողմից ամբողջական ֆինանսավորման անցում։ Այսինքն՝ այն ուսանողները, ովքեր կընդունվեն պետական բարձրագույն ուսումնական հաստատություններ՝ համաձայն գործող քվոտավորման սկզբունքի, կկարողանան լիովին անվճար սովորել ինչպես բակալավրիատի, այնպես էլ մագիստրատուրայի մակարդակում», – նշել է Գաբիսոնիան։
Հետևեք մեզ տելեգրամում
