ԵՄ-ն ԱՄՆ-ին ասում է չմիջամտել Եվրոպայի ներքին գործերին, սակայն Բրյուսելն ինքն է խախտել ինքնիշխանության սկզբունքը Վրաստանի նկատմամբ։ Այս մասին լրագրողներին ասել է Վրաստանի վարչապետ Իրակլի Կոբախիձեն։
«Այսօր ԱՄՆ ներկայիս վարչակազմը գնահատում է Եվրոպայում տեղի ունեցող գործընթացները ճիշտ այնպես, ինչպես մենք անցյալ տարի։ Եվրոպական բյուրոկրատիային սա դուր չի գալիս։ Նրանք հիմա հիշեցրել են ինքնիշխանության սկզբունքի մասին, որ չպետք է դրսից միջամտել ուրիշների ներքին գործերին, չնայած եվրոպական բյուրոկրատիան Վրաստանի նկատմամբ ամեն օր խախտել է ինքնիշխանության սկզբունքը։ Այստեղ ակնհայտ են կրկնակի չափանիշները։ ԱՄՆ վարչակազմը ճշգրիտ գնահատում է Եվրամիությունում տեղի ունեցող գործընթացները, և մեր գնահատականը նույնն է եղել այս տարիների ընթացքում»,-ասել է Կոբախիձեն։
Հետևեք մեզ տելեգրամում
