ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը հայտարարել է, որ Հայաստանը ՆԱՏՕ-ին անդամակցելու որևէ հավակնություն չունի, փոխանցում է Armenpress-ը:
«Հայաստանում չի կարող լինել ՆԱՏՕ-ի ներկայություն, որովհետև Հայաստանը որևէ հավակնություն չունի ՆԱՏՕ-ին անդամակցելու։ Հայաստանն ունի համագործակցության որոշակի շրջանակ ՆԱՏՕ-ի հետ, որը որևէ կերպ չի ենթադրում ՆԱՏՕ-ի ֆիզիկական ներկայությունը Հայաստանի Հանրապետությունում»,-նշել է Խանդանյանը։
Հիշեցնենք, որ ավելի վաղ ԻԻՀ-ում ՀՀ դեսպան Գրիգոր Հակոբյանի հետ հանդիպմանը Իրանի գերագույն առաջնորդի միջազգային հարցերով խորհրդական Ալի Աքբար Վելայաթին հայտարարել էր, որ TRIPP երթուղին նույն «Զանգեզուրի միջանցքն» է, որն Իրանի հյուսիսում ՆԱՏՕ-ի ներկայության հիմքեր կարող է ստեղծել:
Հետևեք մեզ տելեգրամում
