Իսրայելն ունի նոր կառավարություն, որը ձևավորել է վարչապետ Բինիամին Նեթանյահուն։
Նեթանյահուն կառավարություն ձևավորելու մասին գրավոր զեկուցել է նախագահ Ռեուվեն Ռիվլինին։ Իսրայելի նախագահի մամուլի ծառայությունը նախօրեին հայտարարել էր, որ վարչապետ Նեթանյահուի նամակը ստացել են, որով նա ծանուցում է, որ իրեն հաջողվել է ձևավորել կառավարություն։
Երկրի վարչապետ Բենյամին Նեթանյահուի և նրա քաղաքական մրցակից Բենի Գանցի կառավարությունը կերդվի՝ վերջ դնելով երկրում ավելի քան 500 օր տևած ներքաղաքական լարվածությանն ու փակուղուն:
Նեթանյահուի նոր վարչակազմի երդմնակալության արարողությունը տեղի կունենա Իսրայելի խորհրդարանի՝ Քնեսետի քվեարկությունից հետո:
Իսրայելում չնայած խորհրդարանի երեք ընտրությունների անցկացմանն ու կոալիցիոն կառավարություն ձևավորելու բազմաթիվ փորձերին՝ քաղաքական երկու մրցակիցներին անցյալ ամիս հաջողվել է համաձայնության գալ:
Հետևեք մեզ տելեգրամում
