Սպասվող ջերմաստիճանի կտրուկ նվազման հետևանքով Երևանի ողջ տարածքում հնարավոր է մերկասառույցի առաջացում, ինչը կարող է երթևեկությունը դարձնել խիստ վտանգավոր։
Այս կապակցությամբ Երևանի քաղաքապետարանը հորդորում է քաղաքացիներին ավտոմեքենաները օգտագործել միայն խիստ անհրաժեշտության դեպքում։
Քաղաքապետարանից հայտնում են, որ ԵԱՍՄ և ԿՇՄՊ համայնքային հիմնարկների տեխնիկական միջոցներն ու մարդուժը շարունակական ռեժիմով իրականացնում են ձնամաքրման և փողոցների աղ ու ավազով մշակման աշխատանքներ՝ մայրաքաղաքում ապահովելու անխոչընդոտ երթևեկությունն ու քաղաքացիների անվտանգ տեղաշարժը։
Հետևեք մեզ տելեգրամում
