Թուրքիան ու Ադրբեջանը էներգետիկ ոլորտում համաձայնագիր են ստորագրել

Ադրբեջանն ու Թուրքիան 33 մլրդ խորանարդ մետր գազի մատակարարման համաձայնագիր են ստորագրել։ Այդ մասին հայտնել է Թուրքիայի էներգետիկայի և բնական պաշարների նախարար Ալփարսլան Բայրաքթարը։

«Երկու օր առաջ մենք Ադրբեջանի հետ 33 մլրդ խորանարդ մետր բնական գազի մատակարարման նոր համաձայնագիր ենք ստորագրել։ 15 տարվա ընթացքում Կասպից ծովի Աբշերոն հանքավայրից տարեկան կմատակարարվի 2․25 միլիարդ խորանարդ մետր գազ։ Այս համաձայնագիրն ուժի մեջ կմտնի 2029-ին և կգործի մինչև 2040-ական թվականները։ Օգտագործելով գոյություն ունեցող ենթակառուցվածքները՝ մենք այդ գազը մեր երկիր կհասցնենք Բաքու-Թբիլիսի-Էրզրում գազամուղով»,- հայտնել է Ալփարսլան Բայրաքթարը։