Իրանում շարունակվում են ԱՄՆ դոլարի փոխարժեքի կտրուկ աճի և ազգային արժույթի շարունակական արժեզրկման դեմ ցույցերը:
Նախօրեին դրանք հատկապես մարդաշատ են եղել Իլամի Աբդանան քաղաքում: Ցուցարարներն, ի նշան բողոքի, բրնձի պարկեր են պատռել: BBC Persian-ը հայտնում է, որ ցույցեր են անցկացվել նաև Թեհրանի մեծ շուկայում: Կառավարական IRNA-ն տեղեկացնում է Մալեքշահում բախումներից հետո մեկ ոստիկանի զոհվելու մասին:
Ըստ Իրանում մարդու իրավունքների խնդիրների լուսաբանմամբ զբաղվող Human Rights Activists լրատվական կայքի՝ վերջին 10 օրում մահացել է առնվազն 34 ցուցարար, ձերբակալվել՝ 2076-ը: Շուկայում դոլարի փոխարժեքը նորից ռեկորդային է եղել՝ հասնելով 1 մլն 470 հազար ռիալի:
Հետևեք մեզ տելեգրամում
