Անթալիայում անցկացվող ITF W35 մրցաշարում Հայաստանի առաջատար թենիսիստ Անի Ամիրաղյանը որակավորման փուլում երկու հաղթանակ տանելուց հետո դուրս է եկել հիմնական փուլ:
Որակավորման փուլի առաջին խաղում Ամիրաղյանը 6։3, 6։1 հաշով հաղթել է սլովակ Տիմեո Գրոսին, երկրորդ խաղում՝ 6։2, 6։0 հաշվով առավելության է հասել թուրք Սեմրա Աքսուի նկատմամբ։
Անի Ամիրաղյանի հաջոդր մրցակիցը ռումինացի Բրիանա Ժաբոն է, որին հաղթելու դեպքում Հայաստանի ներկայացուցիչը դուրս կգա 1/16 եզրափակիչ:
Զուգախաղում Անի Ամիրաղյանը ռուս Աննա Կարցեւայի հետ 6։3, 6։2 հաշվով հաղթել է Թուրքիայի ներկայացուցիչներին ու դուրս եկել քառորդ եզրափակիչ։
Հայաստանի մյուս ներկայացուցիչ Մարիա Ազիզյանը որակավորման փուլում 6։2, 6։2 հաշվով հաղթել է ռումինացի թենիսիստին, իսկ հիմնական փուլ մտնելու համար վճռորոշ խաղում 1։6, 6։7 հաշվով պարտվել է ռուս Աննա Կարցեւային։
Հետևեք մեզ տելեգրամում
