Իրանի արտաքին գործերի նախարարությունը այդ երկրում Մեծ Բրիտանիայի, Գերմանիայի, Իտալիայի և Ֆրանսիայի դեսպաններին, ովքեր հայտարարել էին իրենց աջակցությունը ցույցերին և հրապարակայնորեն պաշտպանել էին ցուցարարներին, հրավիրել է նախարարություն։
Հանդիպման ընթացքում դեսպաններին ցուցադրվել են անկարգությունների ընթացքում իրականացված բռնի գործողությունների տեսանյութեր՝ ընդգծելով, որ դրանք դուրս են խաղաղ ցույցերի շրջանակներից։
Թեհրանը դեսպաններին կոչ է արել այդ նյութերը փոխանցել իրենց երկրների իշխանություններին և հետ վերցնել ցուցարարներին աջակցող հայտարարությունները։ Ընդգծվել է, որ նման քաղաքական կամ տեղեկատվական աջակցությունը անընդունելի է և դիտարկվում է որպես միջամտություն երկրի ներքին գործերին։
Հետևեք մեզ տելեգրամում
