ԱՄՆ նախագահ Դոնալդ Թրամփի աշխատակազմի ներկայացուցիչները ուղիղ բանակցություններ են վարել Իրանի իշխանությունների հետ՝ Ծոցում լարվածության թուլացման համար։ Այս մասին հայտնում է Financial Times-ը։
Վաշինգտոնի և Թեհրանի միջև կապը թույլ տվեց Իրանի իշխանություններին Թրամփին վստահեցնել, որ Իրանը կախաղան չի բարձրացնի ակցիայի մասնակիցներին։ Պարբերականը գրում է, որ մոտ ժամանակներս հնարավոր է նոր կապ լինի կողմերի միջև, որը կկազմակերպվի երրորդ երկրի օգնությամբ՝ հավանաբար Ռուսաստանի կամ Օմանի։
Թերթը նշել է, որ Եգիպտոսը, Կատարը, Օմանը, Սաուդյան Արաբիան և Թուրքիան Սպիտակ տանը կոչ են արել հեռու մնալ Իրանին հարվածելուց, քանի որ այդ գործողությունը հնարավոր է վնասի Իրանի հարևաններին և հանգեցնի նավթի ու գազի գնի աճմանը։
Հետևեք մեզ տելեգրամում
