Ջորջթաունի համալսարանը և Օսլոյի խաղաղության հետազոտությունների ինստիտուտը հրապարակել են 2025-2026-ի «Կանանց, խաղաղության և անվտանգության ինդեքսի» հետազոտության տվյալները։ Կանանց, խաղաղության և անվտանգության ինդեքսը չափում է կանանց կենսապայմանները՝ հաշվի առնելով 13 ցուցանիշ, որոնք խմբավորված են երեք հիմնական վերնագրերի ներքո՝ տարբեր ոլորտներում ներգրավվածության (տնտեսական, սոցիալական, քաղաքական), արդարադատություն (ֆորմալ և ոչ ֆորմալ խտրականություն) և անվտանգություն (անհատական, համայնքային և հասարակական մակարդակներ):
Հաշվի են առնվում այս երեք կատերգորիանները և տրվում են միավորներ։ Ըստ հետազոտության արդյունքների՝ 181 երկրների ցանկում Դանիան առաջին տեղում է, իսկ վերջին տեղում՝ Աֆղանստանն է։ Առաջատարները սկանդինավյան երկրներն են։ Հայաստանն այդ ցանկում 56-րդն է։
Ցանկում ներառված է նաև Թուրքիան, որը 106-րդն է։ Հարավային Կովկասի երկրներից Վրաստանը զբաղեցնում է 45-րդ տեղը, Ադրբեջանը՝ 111-րդ, իսկ Իրանը՝ 128։
Հետևեք մեզ տելեգրամում
