ԱԳՆ-ն թեժ գիծ է բացել Իրանում և Իսրայելում գտնվող ՀՀ քաղաքացիների համար: Նախարարությունը հետևում է Մերձավոր Արևելքում ստեղծված իրավիճակին։
«Արտգործնախարարությունը Իրանում և Իսրայելում գտնվող ՀՀ քաղաքացիներին հորդորում է պահպանել անվտանգության կանոնները և հետևել պաշտոնական ցուցումներին»,-ասվում է հաղորդագրության մեջ:
Իրանում ՀՀ դեսպանության թեժ գիծ՝ +98 902 0059927։ Անհասանելի լինելու դեպքում՝ ՀՀ ԱԳՆ թեժ գիծ՝ +37455620111 (նաև WhatsApp)։
Իսրայելում ՀՀ դեսպանության թեժ գիծ՝ +972 58 607-0313 (նաև WhatsApp), +972585811144։
Հիշեցնենք, որ ԱՄՆ նախագահ Դոնալդ Թրամփը հայտարարել էր, որ ԱՄՆ-ն սկսել է լայնածավալ գործողություն Իրանի դեմ։ Թրամփը հայտարարել է, որ ԱՄՆ-ն թույլ չի տա Իրանին միջուկային զենք ունենալ, և դաԱՄՆ-ի անփոփոխ քաղաքականությունն է։
Իսրայելն իր հերթին կանխարգելիչ հարված է հասցրել Իրանին «սպառնալիքը չեզոքացնելու նպատակով», հայտարարել է այդ երկրի պաշտպանության նախարար Իսրայել Կացը: Նա նաև արտակարգ դրություն է հայտարարել երկրի ամբողջ տարածքում: Իրանի Հեղափոխության պահապանների կորպուսը պատասխան հարվածներ է հասցնում Մերձավոր Արևելքում գտնվող ԱՄՆ ռազմական օբյեկտներին:
Հետևեք մեզ տելեգրամում
