Իսրայելի վարչապետը Նովրուզի առթիվ շնորհավորել է Իրանի ժողովրդին

Իսրայելի վարչապետ Բենիամին Նեթանյահուն տեսաուղերձով շնորհավորել է Իրանի ժողովրդին Նովրուզի տոնի առթիվ։
Ուղերձում Իսրայելի վարչապետը Իրանի ժողովրդին մաղթել է առողջություն, երջանկություն և բարեկեցություն՝ ընդգծելով նաև ազատության կարևորությունը։
«Ցանկանում եմ Իրանի ժողովրդին շնորհավորել Նովրուզի կապակցությամբ։ Մաղթում եմ ձեզ առողջություն, երջանկություն, բարեկեցություն և, ամենակարևորը, ազատություն», – նշել է նա։
Նեթանյահուն նաև հույս է հայտնել, որ նոր տարին կլինի ազատության, բարեկամության և տնտեսական կայունության տարի, ինչպես նաև Իսրայելի հետ հարաբերությունների բարելավման շրջան։

Նշենք, որ փետրվարի 28-ին Ամերիկայի Միացյալ Նահանգները՝ Իսրայելի հետ համատեղ, ռազմական գործողություն է սկսել Իրանի դեմ։ Ի պատասխան՝ Թեհրանը հրթիռային և անօդաչու թռչող սարքերի հարվածներ է հասցնում Իսրայելին, ինչպես նաև ամերիկյան ռազմաբազաներին Մերձավոր Արևելքում՝ այդ թվում Սաուդյան Արաբիաում, Բահրեյնում, Քաթարում, Քուվեյթում և Արաբական Միացյալ Էմիրություններում։