Մարտի 1-ից 12-ն ընկած ժամանակահատվածում Ռուսաստանում գրանցվել է ավելի քան 181 հազար բողոք բջջային կապի և ինտերնետի խափանումների վերաբերյալ: Ամենաշատ դիմումները ստացվել են Մոսկվայից, Մոսկվայի մարզից և Սանկտ Պետերբուրգից:
Լրատվամիջոցները նշում են, որ ՌԴ մայրաքաղաքում սահմանափակումները մտցվում են մաս-մաս, հիմնականում՝ կենտրոնական շրջաններում: Սահմանափակումների ֆոնին աճում է մուտքի այլընտրանքային ալիքների ծանրաբեռնվածությունը:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ կապի սահմանափակումները կարող են պահպանվել այնքան ժամանակ, որքան անհրաժեշտ կլինի անվտանգության ապահովման համար: Մարտի 2-ից ՌԴ-ում գործում է օրենք, որը օպերատորներին թույլ է տալիս իրավապահ մարմինների պահանջով սահմանափակել կապը՝ առանց բաժանորդների հանդեպ պատասխանատվության:
Հետևեք մեզ տելեգրամում
